Kum sawm vel zet mai an tiho tawh lo a, a ṭhenin pasal an nei tawh a, chutiang karah chuan Mizo hmeichhe gospel group lar leh hlawhtling ṭhin Vohbik chuan album thar hmangin Zoram khawvelah an rawn kir leh dawn e. An tihho leh tawh pawha mi tam takin kan rin loh, mahse beisei nei ru tak chunga kan thlir ṭhin si Vohbik chuan a ruk tak chunga recording an tih hnuah album thar tur an peih a, an tichhuak dawn hnai ta. Vohbik album hnuhnung ber kha kum 2006-a mi daih tawh kha a ni a, kum 10 hmel a hmuh dawn meuh chuan album thar an rawn chhuak thei dawn ta a ni. Vohbik album thar tur hi 'Halleluiah' tih a ni a, 'Hmangaihna' hnua an album thar tihchhuah leh tur hi ngaihthlak a chakawm tawh hle. He album-ah hian video 11 lai a awm dawn a, heng zingah hian hla pasarih chu hla thar hlak a ni ang a, video pakhat chu hla hlui a ni a, a music video a thar thung. Chuan music video hlui pathum a awm bawk. Hla pakhat chu version pahnihin an siam a, pakhat zawk hi acoustic a ni ang a, hei hi chu a class a sang viau ang; musician ṭha ber berte kutchhuak tur a ni. Beisei tawh loh hnuah, kum 10 vel zet hnua Vohbik kan hmu leh thut tur hian mi tam tak a barakhaih ngei ang. An member zinga mi Vari chuan, "Pathianin hei leh chen rawngbawl min la phalsak hi kan lawm. Kan rin tawh loh hnuah album kan han siam chhuak leh hi a ropui kan ti a, hei bak hi chu kan harsat tawh hle kan ring," a ti. "Mahse, Lalpa'n rem a tih chuan, kan la ti leh ang chu; rawngbawl hna hi chu damchhung daih a nia," tia sawiin, an zai ngainatute tan beisei tur a la awm niin a lang. Member an awm kim loh avangin album tlangzarhna erawh pui leh hung tak a ni dawn lo. Album tlangzarh hunah hian sawm bik tlemte nen Cozy Den, Khatla-ah ṭawngṭaina nen an album hi Pathian hnenah an hlan ang a, chumi hnuah a duh apiang tana lei theih turin an ti chhuak chauh ang. Album hi February 26 khian hlan a ni ang. Vohbik hian kum 2003 khan 'Hosana' album tichhuakin Zoram pumah an rawn lar a, an rawn hlawhtling nghal a, hemi kum vek hian al album pahnihna, Krismas album ni bawk 'Imanuel' an tichhuak leh a, hei pawh hian ngaihhlut a hlawh hle. Kum 2006 khan 'Hmangaihna' album an tichhuak leh a, ngainatu leh hluttu a ngah hle a ni. Vohbikah hian Varsangzuali, Lalthanmawii, F. Sanghnuni, Lalremsangi leh Rosangkimi te an awm. bold and italic text.
Here's how you can add an image:
Here's how to make a list:
- First thing
- Second thing
- Third thing
To learn more HTML/CSS, check out these tutorials!